Prej 7 vitesh pa kontakt me të atin, Mali refuzon ta takojë në Big Brother VIP 5
Emocione të forta në Big Brother VIP 5. Një moment mjaft i ndjeshëm u transmetua në shtëpinë më të famshme në Shqipëri, ku babai i Malit erdhi për ta takuar pas më shumë se 7 vitesh pa asnjë kontakt.
Sipas rrëfimit të tij, marrëdhëniet u ndërprenë pas divorcit me ish-bashkëshorten, ndërsa fëmijët vendosën me kalimin e kohës të mos komunikonin më me të.
Babai i Malit shfaqet në BBV pas 7 vitesh mungesë
Babai i Malit tregoi se në fillim kishte komunikim me fëmijët, por një ditë ata ndërprenë çdo lidhje. Ai u shpreh se kjo periudhë ka qenë shumë e vështirë për të dhe familjen e tij.
“Kemi 7 vite e tre muaj që nuk jemi parë. Ka qenë periudhë shumë e rëndë për mua. I kam mbajtur fëmijët si pëllumbin e syrit,” u shpreh ai mes emocionesh.
Mali refuzon takimin para kamerave
Edhe pse babai i tij ndodhej në shtëpinë e Big Brother VIP 5, Mali vendosi të mos e takojë para kamerave. Ai theksoi se një takim mund të ndodhë në të ardhmen, por larg vëmendjes publike.
Mali: “Jam futur këtu për të treguar karakterin tim, jo për strategji. Për mua është e rëndësishme të jem vetvetja dhe të mos ul askënd pa nevojë.”
Marrëdhënia me nënën dhe familjen
Mali foli me shumë dashuri për nënën e tij, duke theksuar se ajo ka qenë mbështetja më e madhe në jetën e tij.
“Nëna më ka dhënë jetën dhe i kam shumë borxhe. Ajo më ka përkrahur në çdo hap dhe shpresoj ta kem bërë krenare,” u shpreh ai.
Sa i përket marrëdhënieve me motrën dhe vëllain, Mali tha se megjithëse kanë mendime të ndryshme, lidhja mes tyre mbetet e fortë.
Mesazhi i fundit i Malit për të atin
Në fund, Mali dha një mesazh të qartë dhe të qetë, duke theksuar se zgjedhja e tij nuk vjen nga urrejtja, por nga nevoja për qetësi personale.
Mali: “Shans të dytë u jepet njerëzve që gabojnë dhe mësojnë nga gabimet. Unë i uroj të gjitha të mirat në jetë, por kur të vijë dita, do e takoj aty ku nuk ka kamera.”
Momenti emocionues ka prekur publikun dhe ka hapur diskutime të shumta mbi familjen, faljen dhe kufijtë personalë brenda formatit të Big Brother VIP 5.