Keijsi dhe Stelina bashkë, Selin nuk i ruan vendin Mirit, Kristi ulet pranë saj dhe e puth

Vrullshëm ka nisur mbrëmja e sotme e spektaklit të Big Brother VIP, duke sjellë menjëherë situata që nuk kaluan pa u vënë re nga publiku.

Pas përshëndetjes së banorëve në sallon, moderatori Ledion Liço i është drejtuar Selinës, duke e pyetur se si e ka përjetuar largimin e Mirit në Akuarium, rikthimin e tij në shtëpi dhe më pas largimin sërish.

Reagimi ironik i Selinës për Mirin

Përgjigjja e Selinës ishte e drejtpërdrejtë dhe me tone ironike.

Selin: “Vajtjen shumë mirë, ardhjen mirë, vajtjen prapë shumë shumë mirë.”

Kjo deklaratë shkaktoi reagime në sallon dhe shtoi edhe më shumë kuriozitet mbi raportin mes saj dhe Mirit.

Miri kthehet nga Akuariumi, vendi i tij është zënë

Pak më vonë, Vëllai i Madh njoftoi se banorët që ndodheshin në Akuarium mund të riktheheshin në sallon.

Me rikthimin e tij, Miri vuri re se vendi i tij ishte zënë nga Angelo, ndërsa Selina ishte ulur në krah të tij.

Miri: “S’ma ke rujt venin? Prisja të ma kishin ruajtur vendin… do sqarohemi tani sepse mund të flasim.”

Më pas, Miri zgjodhi të ulej pranë Lores dhe Juelës.

Kristi ulet pranë Selinës dhe e puth

Një moment tjetër që tërhoqi vëmendjen ishte afrimi i Kristit me Selinën.

Kristi u ul pranë saj dhe i dhuroi një puthje në faqe, gjest që u komentua menjëherë nga publiku dhe banorët.

Keijsi dhe Stelina pranë njëri-tjetrit

Në të njëjtën kohë, një tjetër detaj nuk i shpëtoi syrit të shikuesve: Keijsi dhe Stelina u panë të ulur pranë njëri-tjetrit, duke ndezur spekulime mbi marrëdhënien mes tyre.

Mbrëmja në Big Brother VIP nisi me tensione, afrime dhe mesazhe të forta, duke premtuar zhvillime interesante në vazhdim.